八宅风水东四命人住东四宅

八宅风水东四命人住东四宅

最近我又同咗个初相识嘅人“研究”风水，不过话就话“研究”，其实系我教佢。话说有个朋友介绍个客比我睇八字，大家相约喺餐厅会面，个客又带咗个亲戚嚟话帮手听。喺讲八字成个过程都好顺利，睇得出个客都觉得几准，而且睇佢个八字，话咗比佢听就快有运行，佢听到都好高兴。

本来我打算同佢讲多几句就走，不过佢知道我识风水，顺便问﹕“听讲我西四命人只可以买西四宅，咁我系唔系唔好买向南楼呢﹖”我答﹕“都唔一定嘅，有时西四命人住东四宅仲好。”

点知佢一直唔多出声嗰位亲戚听到好大反应，佢瞪到灯笼咁大对眼同我讲︰“西四命人住东四宅，命宅不配，好差架喎﹗”原来佢喺大陆跟过一位师傅学过风水，佢师傅话“东四命人”一定要住“东四宅”，而“西四命人”一定要住“西四宅”，否则风水会好差。”

原来系个客个亲戚讲嘅﹗虽然我帮人睇风水以玄空风水为主，八宅风水呢D小儿科，我识，但系好少用。不过既然个客嘅亲戚要同我讲八宅风水，我就用八宅风水同佢解释。我同佢讲︰“东四命人未必住东四宅就会好，可能会更加衰。好简单，有一个震命人住震宅，即系东四命人住东四宅，但呢间屋嘅兑位系绝命星，咁就大件事啦！因为震命人嘅兑位系“绝命星”，震宅嘅兑位都系“绝命星”，所以，自己条命犯“绝命”，间屋又犯“绝命”，仲点会有运行呢﹖”佢听完觉得我讲得都有道理，话会问问佢师傅。

• 上一个下一个